JVO: Hulanda ta duna 45 miyon pa Caribe Hulandes fortifica nan estado di derecho

ORANJESTAD – Durante e ultimo Justitieel Vierpartijen Overleg (JVO) cu a tuma lugar na Aruba diahuebs, Hulanda a compromete pa duna 45 miyon pa Caribe Hulandes pa fortifica nan estado di derecho. Esaki ta parti di ehecucion di e asina yama landenpakketen pa e paisnan en cuestion. E ministernan di husticia Grapperhaus) (Hulanda), Bikker (Aruba), Girigorie (Curaçao) y Richardson (Sint Maarten) a reuni hunto, y e biaha aki secretario di estado Raymond Knops a join. St Maarten y Hulanda tabata di forma virtual.  

KICO MAS

Ademas a palabra cu ta intercambio hopi lihe cu informacion riba criminalidad, y proteha e infromacion tambe y ademas con mester desaroya e puntonan di informacion mas leu. A papia di e calidad di ministerionan publico di cada isla. A palabra cu anualmente ta prepara fiscalnan local pa e function. A palabra tambe cu e bukinan di ley di e islanan mester tin contenido igual pa asina por aplica nan mes caminda y pa tur ta igual. Asina tur e ministerionan publico por traha miho y persigui esnan cu ta viola ley. E ta haci e trabou mas eficiente y ta duna mas derecho na e victima. Y como tal kier tin un ley di procedimento penal uniforme. 

E reunionan aki ta tuma lugar cada 6 luna pa asina e 4 paisnan ta riba e mesun liña pa loke ta maneho hudicial.