Presion pa Gabinete Rutte III retira, ta aumentando ora pa ora

DEN HAAG – E retiro di gabinete Rutte III ta parce di ta yega mas y mas cerca. Asina e portal Hulandes NOS ta raporta diahuebs. Tin e posibilidad cu despues cu e gabinete delibera diabierna awor riba e tema, cu e por entrega su retiro. Esaki debi na e scandal di pago di beneficio social (toeslagaffaire). Fuentenan di e portal ta bisa cu e 4 partidonan di coalicion ta reuniendo y tin e pregunta cu si e gabinete por sigui despues di un resultado desastroso di e raportahe riba e asunto en cuestion. E posibilidad ta cu mayan tin un reunion di conseho di minister riba e tema cu un decision ‘final’.  

KICO TA E TOESLAG AFFAIRE?

E asunto di e toeslag affair ta algo cu a tuma lugar algun aña pasa (2013) unda cu un total di 26 mil mayornan (tata) a bira victima inhustamente di sospecho di fraude cu asignacion pa cuudio di mucha y of a converti nan mes den victima di un enfoke severo di fraude pa parti di autoridad fiscal desde 2013 te por lo menos 2019. Esaki a sali na cla na 2018 y a provoca retiro di secretario di estado di finanza Menno Snel. Ta papia di un violacion di principio fundamental di e estado di derecho, incapacidad administrativo, y a califica e practica aki como discrminatorio. Un situacion cu ta responsabilisa e gabinete Rutte III pa e fayo aki.