Francia a impone TDQ pa 12 ora pa dia entrante diasabra

PARIJS - Fransesnan mester ta na cas entre 6’or di atardi pa 6’or di mainta entrante diasabra awor. E situacion di COVID19 ta di tal indole cu Francia completo ta implementa e Toque de Queda. E TDQ tabata vigente pa 25 estado Frances pero awor a pone pa henter e pais.  E situacion ta hopi preocupante y a cantidad di contagio no kier baha y e peso riba hospital ta keda halto. E pais ta conta caba cu 69 mil morto. Paisnan cu tin TDQ pa 12 ora, tin miho resultado cu e virus segun e gobierno.