Casonan di hospitalisacion pa COVID19 na Aruba ta sigui subi

ORANJESTAD – Mientras cu di un banda, e cantidad di casonan positivo di COVID19 pa dia ta sigui subi di un forma alarmante, e cantidad di casonan di pashentnan cu ta wordo hospitalisa pa dia, ta sigui aumenta tambe, cu ta un factor preocupante tambe. Tin mas hende cu ta drentando cu ta saliendo. Y mester tene na cuenta cu no tur hende cu bandona hospital, necesariamente ta recupera. E ultimo cantidad registra diaranson pa hospital ta 9 pashent den ICU, y 15 riba piso regular, cu ta un total di 15, compara cu 12 un dia anterior. Te ainda, hospital por atende cu e situacion, sin tuma medida extra manera para tur otro servicio medico, y atende solamente pashentnan di COVID19. Pero e siman aki ainda, e director di hospital Jacco Vroegop a bisa si cu a cuminsa escala e preparacionan y a añadi un piso mas pa trata e pashentnan di COVID19.