Proyecto "Kayak pa futuro 2015” a termina exitoso

ORANJESTAD - Awe tardi e grupo cu a bay kayak a yega cansa pero satisfecho na Arashi. E tabata pisa pero nan a disfruta. E secreto ta pa keda come y bebe pa bo keda cu energia. Esaki nan por a logra danki na e sandwichnan cu "Save a Lot" a sponsor y e lunch na "De Zeerover".

Nan ta hopi gradici pa nan main sponsor "Superfood Plaza" y tur otro sponsor. Tambe na tur otro hende cu di cualkier forma a yuda cu e fundraising aki! Nan ta mucho pa menciona.

Y awor e trabounan mester sigui.

Frits: "Mester prepara e campamento, den luna di juli tin 2 campamento. E prome siman di vakantie tin campamento pa muchanan di 6 te cu 9 aña di edad, e di 2 siman pa muchanan di 10 te cu 12 aña. Y durante vakantie na october tin un campamento pa teenagers.

Naturalmente tin yen trabou ta warda. Entre otro pa start cu e teenerclub y hasie un orientacion pa e posibilidad di lanta un cas pa teenagers (gezinsvervangend tehuis) ariba e tereno di Centro Juvenil Washington.

Si bo kier sponsor ainda pa e kilometer cu a bay den kayak por transferi un suma segun discrecion ariba cuenta di Centro Juvenil Washington: Stg. Washington Jeugdcentrum en Evangelisch Weeshuis, Washington #23, Accountnr.: 08109170, Baco di Caribe, menciona: Kayak pa future 2015