Hulanda a extende su lockdown cu tres siman

DEN HAAG – No tabatin otro forma sino di prolonga e lockdown cu 3 siman te dia 9 di februari. Asina premier Mark Rutte a bisa den un conferencia diamars anochi, ora di Hulanda. “E cifranan no ta bahando suficiente y tambe e menasa di e variante Britanico”. Segun Rutte, ta bin extra ayudo pa negoshinan. “Nos no por kita tur dolor di comerciantenan. Ta importante pa nos logra mantene mas hopi trabou den e crisis” e mandatario a sigui bisa. E exepcion pa scolnan ta keda mescos. Ta premira ap habri scolnan basico y creche  mas prome cu fin di e lockdown aki (25 di januari). Resto di scolnan ta keda cera, negoshi, beautusalon, musea y horeca ta keda cera. A pidi e Outbreak Management Team (OMT) pa investiga e introduccion di un Toque de Queda. Esey lo por wanta e brote di e variante nobo. Pero kier conseho prome ki efecto e TdQ lo tin y si tin alternativa.