Maduro: Gobierno ta proyecta crecemento economico di 5,6% pa aña 2021

Maduro: Gobierno ta proyecta crecemento economico di 5,6% pa aña 2021

Posted on 01/12/2021 9:51 am AST | Updated on 01/12/2021 9:53 am AST

ORANJESTAD – Gobierno di Aruba (lesa:minister Xiomara Maduro:red) ta proyecta crecemento economico di 5.6% pa aña 2021. Asina e mandatario a bisa dialuna durante e conferencia di prensa ,ampliando riba e perspectiva economico pa aña 2021 na man di e proyeccion economico haci pa Departamento di Asuntonan Economico, Comercio y Industria (DEZHI), cu ta proyecta un crecemento economico di 5.6% pa aña 2021.

ECONOMIA A CONTRAE CU 32.7% DEN 2020

Segun e mandatario den su comunicado, e efectonan di e pandemia mundial tabata tin un impacto grandi riba economia di Aruba den 2020 y lo sigui afecta nos den 2021. E grado di incertidumbre pa e impacto den 2021 ta grandi locual ta haci e proyeccion economico pa 2021 uno basta dificil. Asina mes Departamento di Asuntonan Economico DEZHI, haciendo uso di e modelo macroeconomico MARUBA a traha un pronostico pa e crecemento di nos Producto Interno Bruto (GDP) pa 2020 y a proyecta 3 scenario pa 2021 basa riba expectativa den crecemento den turismo. Pa 2020, e pronostico ta indica cu economia di Aruba a contrae cu 32.7 % den termino nominal den 2020 compara cu 2019. E reduccion aki ta wordo causa principalmente door di e efecto di e ‘lockdown’, e 'shelter in place' y consecuentemente e reduccion den cantidad di turista cu a bishita nos isla den 2020. Adicional, diferente inversionnan cu tabata planea pa 2020 a haya retraso y a wordo posponi. Esaki tabata tin efecto riba consumo, exportacion y importacion cu ta e motornan di crecemento economico cu e resultado cu economia a contrae cu 32.7% den 2020.

CRECEMENTO ECONOMICO DI 5.6% DEN 2021

Pa 2021 a scohe pa usa 3 scenario pa pronostica e crecemento economico di nos Pais cual ta basa principalmente riba expectativa di crecemento den turismo den 2021. Den e scenarionan pa 2021 ta tene cuenta cu un crecemento leve den inversion, esaki debi na e incertidumbre rond di e situacion di COVID-19 den mundo y na Aruba. E scenario 'conservativo' pa 2021 ta asumi un crecemento economico di 0.6 % den termino nominal. E scenario 'cauteloso optimista' ta indica un crecemento nominal di 5.6 % y e scenario 'optimista' ta mustra un crecemento nominal di 8.5 %. Esaki kiermen cu Departamentodi Asuntonan Economico DEZHI ta premira a base di informacion disponibel te cu november 2020, cu e crecemento economico den 2021 lo ta entre un 0.6 % y un 8.5 % di GDP. Como base pa e crecemento economico den 2021 ta opta pa usa e scenario 'cauteloso optimista' cu ta premira un crecemento di economia di Aruba cu 5.6 %. 

SITUACION DI PANDEMIA TA PONE CU CIFRA POR CAMBIA

Pa motibo di e rapidez cu cual e situacion di tanto mundo como na Aruba ta cambia dia pa dia door di e pandemia, e ta dificil pa haci proyeccion cu un nivel halto di certidumbre. Pa e motibo aki e proyeccion di crecemento economico di nos GDP pa 2021 lo por cambia. Departmento di Asuntonnan Economico DEZHI lo keda monitoria e datonan den transcurso di 2021 pa asina adapta e cifranan riba base regular. E perspectiva economico pa 2020-2021 ta disponibel bou e nomber Economic Outlook 2020-2021 riba e website di Departamento Economico DEZHI na www.deaci.aw. E mandatario a gradici e ehecutivonan di DEZHI cu a base di informacion disponibel a traha riba e documento di Economic Outlook 2020-2021.

  • Gobierno di Aruba a felicita Presidente y Vice Presidente nobo di Merca

    Gobierno di Aruba a felicita Presidente y Vice Presidente nobo di Merca

    ORANJESTAD - Gobierno di Aruba a felicita Presidente y Vice Presidente nobo di Merca. Asina prome minister di Aruba Evelyn Wever Croes a bisa diabierna. Diaranson ultimo nos a presencia inauguracion di e Presidente nobo di Merca Joe Biden y su Vice Presidente Kamala Harris. Den nomber di Gobierno di Aruba ta extende felicitacion na e Presidente nobo y na e Vice Presidente nobo. 

  • Wever: Hulanda pa awor no ta bay cera frontera cu Aruba

    Wever: Hulanda pa awor no ta bay cera frontera cu Aruba

    ORANJESTAD – Hulanda por lo pronto no ta cera frontera pa Aruba. Asina prome minister Evelyn Wever a bisa diabierna mainta. Mientras cu pa awor Hulanda no ta cera frontera, esaki por cambia segun e prome mandatario. E mandatario a informa riba e situacion di Hulanda pa calma e nerviosismo cu tin aki na Aruba ora cu e anuncio a bin di Hulanda ,y cu minister Dangui Oduber a informa ariba durante su conferencia di prensa. E portal aki tabata prome pa raporta riba e tema. KLM tambe mientrastanto a sigura Aruba cu pa aworaki e no ta stop di bula pa nos isla. 

  • Oduber: Hulanda lo tin e deseo pa Aruba tambe cera frontera cu Latino America

    Oduber: Hulanda lo tin e deseo pa Aruba tambe cera frontera cu Latino America

    ORANJESTAD – Hulanda lo tin e deseo pa Aruba tambe cera frontera cu Latino America pa motibo di e pandemia di Covid19. Asina minister di turismo Dangui Oduber a informa e portal aki durante su conferencia di prensa diahuebs mainta. “E ta wordo considera” e mandatario a bisa. “Tin e posibilidad tambe cu KLM por stop buelonan pa Aruba” e mandatario a sigui bisa. Esaki relaciona cu e decision cu e aeroliña a tuma diaranson di cancela buelonan transatlantico. Debi cu oficialmente KLM no a specifica si Aruba (y otro islanan di Caribe Hulandes) tambe ta forma parti di dje, a puntra e mandatario si e si a tende algo oficial di e aeroliña. Esaki a resulta negativo.

  • Prome minister sorprendi cu cierto trahadornan no kier ta solidario mas

    Prome minister sorprendi cu cierto trahadornan no kier ta solidario mas

    ORAJESTAD – Prome minister di Aruba Evelyn Wever-Croes relaciona cu e inkietud cu tin bou di empleadonan den sector semi-publico pa loke ta trata e cortamento di salario, a bisa diaranson cu e ta sorprendi cu e actitud aki. Mes momento el a haci un apelacion pa sigui ta solidario na esnan cu a perde trabou y esnan cu por perde trabou ainda. E ta haci mencion specificamente di e grupo di trahado di WEB y Elmar, aunke cu tin di otro companianan (hospital) cu tambe no kier ta solidario mas. 

  • Gobierno a presenta plan con pa maneha vacuna contra Covid19

    Gobierno a presenta plan con pa maneha vacuna contra Covid19

    ORANJESTAD – Dialuna den conferencia di prensa Minister di Salubridad Publico Sr. Dangui Oduber a trece diferente informacion importante dilanti. E mandatario a papia entre otro riba e strategia cu lo wordo uza pa administra e vacuna na Aruba.

  • E aña aki tin competencia ‘Conta mi di Betico’ pa muchanan di scol basico

    E aña aki tin competencia ‘Conta mi di Betico’ pa muchanan di scol basico

    ORANJESTAD – E aña aki tin competencia ‘Conta mi di Betico’ pa muchanan di scol basico. Asina minister di Cultura Xiomara Maduro a bisa dialuna durante un conferencia di prensa. Ademas tin mas cu muchanan por siña di dje. Ta trata di un carchi informativo cu tur scol lo haya.  

  • Powered by SETAR