Moderna kier cobra doble pa di dos cargacion di vacuna contra COVID19

BRUSELAS/MILAN – Union Europeo (UE) ta negoshando cu fabricante di remedy Moderna pa un extra cargamento di su vacuna contra COVID19, cu UE a aproba siman pasa. Pero e compania Mericano awor kier cobra mas caro pa esaki. UE kier cumpra tambe e vacuna di Francia esta Valneva.  UE ta negosha na nomber di e paisnan miembro di cual dos vacuna ta aproba caba pa uso. E vacunanan ta wordo reparti a base di e cantidad di habitante di e pais cu ta participa. Di e vacuna di Moderna, a cumpra 160 miyon caba, di cual e prome dosis a yega Hulanda dialuna. Pa e di dos cargacion, Moderna ta pidi doble e prijs.