Trahadornan di hospital a pone trabou abou pa protesta

ORANJESTAD – Trahadonan di hospital miembronan di sindicato ABV dialuna mainta a dicidi di pone trabou abou como protesta. Den un reaccion di e presidente Gina Maduro, el a informa e portal aki cu nan a ricibi un memo (carta interno cu yama PBI) diabierna cuestionando e reclamo pa para 5% di retencion di salario y e carta habri cu ABV a manda pa secretario di estado Raymond Knops recientemente. Mientrastanto e trahadonan cu si ta trahando ta haci esaki segun un schedule di diadomingo, esta minimal. Tanten cu e gerencia di hospital no revoca e PBI y no para e retencion di 5% di salario, e trahadonan no ta reanuda trabou. Mientrastanto e portal aki a compronde cu aworaki Hunta di Directiva lo bay  sinta cu ABV y despues e lo duna un declaracion despues.