Besaril: “Arubahuis tin un rol importante pa loke ta trata COHO y e relacion nobo cu Hulanda”

Besaril: “Arubahuis tin un rol importante pa loke ta trata COHO y e relacion nobo cu Hulanda”

Posted on 01/8/2021 3:33 pm AST | Updated on 01/8/2021 3:34 pm AST

DEN HAAG/ORANJESTAD  – ‘Awe mas cu nunca e ekipo di Arubahuis tin cu bai hunga un rol interme-diario en bista di tur e temanan cu COHO ta trece cune. Tambe e “timeframe” den cual tin di ehecu-ta cierto temanan ta trece un reto adicional. E ta un paketa bastante complica y e ta exigi cu e dina-mica di trabao di Arubahuis lo mester cambia significantemente. Esaki ta e realidad nobo cu nos ta habri 2021 cune,’ asina Minister Plenipotenciario, sr. Guillfred Besaril, a declara na su salida di e reunion entre Conseho di Minister di Aruba cu e Secretario di Estado pa Asuntonan di Reino, sr. Raymond Knops y su delegacion.

HURIDICO

E mandatario a sigui elabora cu esaki ta un momento hopi importante pa e staf huridico di Arubahuis cu mester brinda su persona e asistencia huridico necesario pa canalisa cierto puntonan criti-co den e relacion cu COHO y e profesionalnan tanto di Aruba como Hulanda cu a bin ta trahando hunto desde Juni 2020 te na ora cu Pais Aruba a firma e acuerdo December ultimo. Minister Besa-ril: ‘E tabata un periodo hopi importante pasobra bo ta na inicio di e desaroyo cu e entidad; nos a mira literalmente su nacemento. Pues e reunion tabata hopi importante pa di awor en adelante tur desaroyo sucede na un manera structura na beneficio di Pueblo di Aruba.’

ACUERDO DI GOBERNACION

Sr. Besaril a indica cu den e acuerdo como Gobernacion 2017 – 2021 a identifica caba cu tabata tin diferente areanan caminda cu Gobierno mester a trece cambio. ‘Cambio den mentalidad, cambio den structura y cambio den e manera di traha. Tambe nos a identifica cu esaki ta e momento propi-cio pa haci esaki conforme e acuerdo menciona. Pesey como un di e “Bewakernan” di e programa di gobernacion di Gabinete Wever-Croes, e tabata importante p’ami tabata sinta hunto cu un y tur envolvi den e desaroyo nobo aki pa nos por sigui hiba e mensahe cu Aruba mes por, claro cu e asistencia di Hulanda y cu Arubahuis t’ey pa canalisa e proceso aki for di Hulanda,’ Minister Ple-nipotenciario, sr. Guillfred Besaril, a termina encuanto e palabracionnan y reunion entre Aruba y Hulanda.

 

  E potret ta cortesia di Gobierno di Aruba.

  • Dialuna awor Hulanda ta laga sa cuanto vacuna Aruba ta ricibi

    Dialuna awor Hulanda ta laga sa cuanto vacuna Aruba ta ricibi

    ORANJESTAD – Dialuna awor gobierno di Aruba ta tende exactamente cuanto vacuna nos ta ricibi. Mientrastanto den e proximo ratonan oficialmente Aruba mester a tende tambe si e ta aproba pa ricibi e prome lote di vacuna otro luna. Asina minister di salud Dangui Oduber a bisa durante un conferencia di prensa diaranson mainta. A bisa tambe cu cada bes lo haya un lote, y asina lo sigui bay pa prome cu temporada di horcan cuminsa, (1 juni 2021), 80% di Aruba ta vacuna caba. E di dos siman di maart, ta premira cu lo haya e di dos lote y asina lo sigui bay e proximo lunanan. E prome lotenan lo ta di e vacuna Pfizer. 

  • Oduber: Cu e variante Britanico na Aruba ,e e risico di contagio ta aumenta drasticamente

    Oduber: Cu e variante Britanico na Aruba ,e e risico di contagio ta aumenta drasticamente

    ORANJESTAD – Cu e variante Britanico di Covid19 na Aruba, e risico di contagio ta aumenta drasticamente. Asina e minister di salud Dangui Oduber a bisa diamars mainta riba e noticia cu a keda presenta dialuna anochi cu e variante di Inglatera ta na Aruba caba. “ E preocupacion di e variante nobo ta e hecho cu e ta hopi mas contagioso cu Covid-19. Si anteriormente 1 persona por contagia 2 otro, e variante Britanico por contagia 6” e mandatario a bisa. “ Esaki ta pone cu e risico di contagio ta aumenta drasticamente”.

  • Wever: Lo impone medida adicional contra Covid19 e siman aki

    Wever: Lo impone medida adicional contra Covid19 e siman aki

    ORANJESTAD – Gobierno di Aruba lo impone medida adicional (contra Covid19) cu lo keda conoci den e siguiente dianan. Asina minister presidente Evelyn Wever Croes a bisa noticiacla diamars mainta relaciona cu e noticia cu e variante Britanico di Covid19 a yega Aruba caba y a keda anuncia dialuna anochi. E mandatario a bisa si alavez cu Aruba tin medidanan hopi halto caba “in place”. “Nos lo mantene nan”, e mandatario a bisa riba e punto aki, unda cu por compronde y no ta descarta cu esaki kier men cu e medidanan actual cu mester a vence diadomingo awor, posiblemente lo keda prolonga.

  • Gobierno di Aruba a felicita Presidente y Vice Presidente nobo di Merca

    Gobierno di Aruba a felicita Presidente y Vice Presidente nobo di Merca

    ORANJESTAD - Gobierno di Aruba a felicita Presidente y Vice Presidente nobo di Merca. Asina prome minister di Aruba Evelyn Wever Croes a bisa diabierna. Diaranson ultimo nos a presencia inauguracion di e Presidente nobo di Merca Joe Biden y su Vice Presidente Kamala Harris. Den nomber di Gobierno di Aruba ta extende felicitacion na e Presidente nobo y na e Vice Presidente nobo. 

  • Wever: Hulanda pa awor no ta bay cera frontera cu Aruba

    Wever: Hulanda pa awor no ta bay cera frontera cu Aruba

    ORANJESTAD – Hulanda por lo pronto no ta cera frontera pa Aruba. Asina prome minister Evelyn Wever a bisa diabierna mainta. Mientras cu pa awor Hulanda no ta cera frontera, esaki por cambia segun e prome mandatario. E mandatario a informa riba e situacion di Hulanda pa calma e nerviosismo cu tin aki na Aruba ora cu e anuncio a bin di Hulanda ,y cu minister Dangui Oduber a informa ariba durante su conferencia di prensa. E portal aki tabata prome pa raporta riba e tema. KLM tambe mientrastanto a sigura Aruba cu pa aworaki e no ta stop di bula pa nos isla. 

  • Oduber: Hulanda lo tin e deseo pa Aruba tambe cera frontera cu Latino America

    Oduber: Hulanda lo tin e deseo pa Aruba tambe cera frontera cu Latino America

    ORANJESTAD – Hulanda lo tin e deseo pa Aruba tambe cera frontera cu Latino America pa motibo di e pandemia di Covid19. Asina minister di turismo Dangui Oduber a informa e portal aki durante su conferencia di prensa diahuebs mainta. “E ta wordo considera” e mandatario a bisa. “Tin e posibilidad tambe cu KLM por stop buelonan pa Aruba” e mandatario a sigui bisa. Esaki relaciona cu e decision cu e aeroliña a tuma diaranson di cancela buelonan transatlantico. Debi cu oficialmente KLM no a specifica si Aruba (y otro islanan di Caribe Hulandes) tambe ta forma parti di dje, a puntra e mandatario si e si a tende algo oficial di e aeroliña. Esaki a resulta negativo.

  • Powered by SETAR