Knops: Aruba mes mester bay cubri bijstand y ayudo di emergencia sin ayudo Hulandes

ORANJESTAD – Gobierno di Aruba mes tin cu bay atende cu e.o. bijstand (FASE) y ayudo di cuminda, manera cu Hulanda ta haciendo awor. E diferencia ta cu e tin cu hacie, sin ayudo di Hulanda, y cuminsando mas sigur den verano proximo. Asina secretario di estado Hulandes Raymond Knops a bisa durante su bishita e siman aki na  portal Caribisch Netwerk durante su bishita na Aruba. “Cu si Hulanda ta bay duna placa atrobe pa ayudo di emergencia, no ta dicidi ainda. E decision lo wordo tuma dentro di poco” e mandatario abisa. Mes momento el a bisa cu a manda un señal pa gobierno di Aruba cu un aña despues cu COVID a inicia, si ainda nos mester ta papiando  di ayudo di emergencia. Of un situacion cu Aruba mes mester cubri?” 

PALABRACION

Knops a informa cu a haci palabracion cu Aruba cu entrante verano (zomer), Aruba mes lo tin cu cubri tur esaki. “Tur loke ta onderstand, bijstand, bijstand special, ayudo di cuminda. Esey no ta un tarea di Reino mas y como tal tampoco un tarea di un organisacion di emergencia, manera Cruz Cora. Ta di importancia pa pais Aruba e proximo tempo, mes atende tur loke tin di haber cu ‘ayudo’”, E mandatario a finalisa bisando. Cortesia Caribisch Netwerk