Aruba tin 72 caso positivo nobo di COVID19 y a pasa 500 activo

ORANJESTAD –   Segun resumen di awe, a registra un total di 72 caso nobo di Covid-19, di cual 67 ta residente y 5 no-residente.  Cantidad total di testnan ehecuta ayera na e diferente localidadnan entre otro laboratorio di hospital, laboratorionan priva y aeropuerto ta 626 test. Y 50 persona a recupera.

ACTIVO

Activo tin awe 510 caso, cantidad di fayecido relaciona cu Covid-19 ta na 50.

HOSPITAL

Hospital ta informa cu tin un total di 11 persona interna di cual 6 ta den Cuido Intensivo y 5 riba unidad general di COVID.