Hulanda ta bolbe registra aumento drastico di casonan positivo di COVID19

AMSTERDAM -  Rijksinstituut voor Volksgezondheid en Milieu (RIVM) na Hulanda a raporta un aumento drastico di casonan nobo di COVID19. Entre diaranson y diahuebs mainta, a registra 9737 caso positivo. Un dia prome e cifra tabata 7128. Pues un aumento di mas di 2 mil caso den 24 ora.  E ultimo cifra tambe ta un poco mas halto cu e promedio di e siman atars. Esey ta riba 7700 caso positivo riba un dia. E cantidad di morto a aumenta cu 85. Esey no kier men si cu esaki ta e cantidad di persona cu a muri di COVID19 den e ultimo 24 ora. Ora un pashent fayece di COVID19, e ta wordo registra despues. Diaranson, a registra 175 morto di COVID19. Esey tabata 152 diamars.