Esaki ta e reglanan re-introduci contra COVID19 valido te fin di luna!

ORANJESTAD – Manera ta conoci Gobierno di Aruba via Crisis Team di COVID19, a reintroduci varios medida atrobe diaranson anochi pa yuda combati e virus. Esaki ta e graficonan cu ta ilustra e medidanan.

TOQUE DE QUEDA

A prolonga Toque de Queda (11pm-5am) te cu 31 di januari 2021

ORARIO DI CIERRE

A prolonga orario di cierre mas trempan (10pm) te 31 di januari 2021

LIK OP STUK

Lo impone multa halto y lo cobra esaki mesora

GEBIEDSVERBOD

Tin prohibicion pa aglomera den lugarnan publico manera parkeerplaats y beach desde 7pm

PERMISONAN 

Permisonan pa actividadnan publico durante e periodo aki lo no wordo otorga

ENCUENTRONAN SOCIAL

Ta limita na e espacio disponible. No por tin mas di 10 persona paden y 25 pafo,. Na cualkier momento polis por cancela e encuentro si tin disturbio di orden publico, hasta si tin menos cu 10 persona paden of 25 pafo.

ENTRETENIMIENTO MUSICAL

No lo permiti entretenimiento musical. Ni na cas ni na restaurant.

ACTIVIDAD RIBA LAMAN

Riba boto y yate tampoco ta permiti aglomeracion. No mas di 4 persona riba yate/boto. 

SHOPPING

Un persona di cada famia so por shop. Ta obligatorio pa bisti tapaboca pafo tambe den caso cu no por mantene distancia di 1.5 meter.

CASNAN DI CUIDO

Lo escakla medida di precaucion na casnan di cuido. 

DEPORTE

Ta permiti deporte cu excepcion di deporte di contacto. No por tin mas cu 25 persona na e evento, incluyendo deportista, coach, referee. No ta permiti publico. 

COMERCIO

Ta permiti solamente 4 persona na mesa den restaurant pafo y paden. No ta permiti entretenimiento musical. No ta permiti baliamento.