Wendys Aruba a saca ganador di auto nobo di nan Loyalty Campaign

(ADVERTORIAL)

ORANJESTAD – Diaranson atardi dilanti un publico limita pafo di Wendys na Boulevard (debi na reglanan contra  COVID19), e ciudadano Shanella Vrolijk a bira e feliz ganadora di e tremendo campaña di Wendys Aruba, y a gana e auto Toyota Agya 2021, ora cu e la logra start e auto como un di e 20 finalistanan. Tur cliente di Wendys por a participa registrando pa nan Loyalty Program y asina tin chens pa gana e premio maximo aki. E intencion tabata pa tin un evento grandi musical, pero lamentablemente COVID19 a bin y no a permiti esaki di sosode. Asina mes e compania a adapta e programa y haci algo special pa un grupo limita di hende (e participantenan y algun famia) y asina celebra e final di e evento aki toch. Asina Wendy’s Aruba a clausura su campana exitoso di 2020/2021 di su Loyalty Program cu un premio grandi di e auto bunita. Pero tur e finalistanan a sali gana door di a ricibi un siman di come gratis na Wendys.