Raymond Knops a bishita Hospital Horacio Oduber diamars

ORANJESTAD - Dr. Horacio E. Oduber Hospital a ricibi bishita di e Secretario di Estado pa Asuntonan Interno y Relacionnan den Reino, esta sr. Raymond Knops. Sr. Knops tabata kier a enfoca durante e bishita aki na HOH riba e cuido pa cu Covid-19 y pues a hinca un recorido cortico compaña pa un presentacion di algun punto importante.    

E bishita a cuminsa cu un recorido cortico riba B3, esta e departamento cu actualmente ta brinda cuido na e pashentnan cu Covid-19 y alabes a sirbi como e localidad na momento cu mester a expande Cuido Intensivo. E expansion aki sigur no lo tabata posibel sin e ayudo cu Hospital y Aruba a ricibi di Hulanda pa loke ta material y personal.  Riba B3 mr. Knops a papia cu hefe di departamento, specialista y tambe un enfermero. Siguientemente a sigui pa LabHOH unda a duna informacion con a set up e departamento di Microbiologia.  Ultimo luga cu a bishita tabata departamento di Cuido Intensivo na unda hefe di departamento a duna detayes di e cuido ofreci na pashentnan cu y tambe sin Covid-19. 

Por ultimo a prepara un lunch cu su toke crioyo na unda di biaha a hiba presentacion diferente persona clave di Hospital. Nan a duna informacion tocante e cuido y calidad cu HOH ta ofrece. E diferente cambionan cu ya a tuma luga durante añanan pa por yega na un Hospital sostenibel. Sigur mester a toca e tema un rato tocante e consecuencianan cu lo por tin a largo plaso si sigui corta den cuido medico y por ultimo a papia tambe tocante e cooperacion den region.