Premier Rutte no ta positivo pa suavisa medidanan contra COVID19

DEN HAAG - Premier Hulandes Mark Rutte no ta optimista pa loke ta un fin na e lockdown actual. “Si bo mira e cifranan di contagio di awo, esey no ta mustra mucho positivo pa loke por despues di 19 di januari” e mandatario a bisa. Esey ta e fecha riba cual e actual lockdown ta vence. E lockdown ey a drenta na vigor dia 14 di December ultimo. E no ta kere cu lo por suavisa e reglanan di COVID19, pero ta mucho tempran ainda pa dicidi. E fin di siman aki mester por mira un resultado di e medidanan anuncia na December. E gabinete a spera cu pa awor, e cifranan di contagio lo a baha. Pero segun RIVM, e efectonan convincente di e lockdown ainda no ta visible.