Campaña Vacuna contra cancer na boca di matriz (HPV)

ORANJESTAD - Na luna di november 2014 Departamento di Salud Publico, seccion Cuido Salud Hubenil a cuminsa cu introduccion di vacuna contra HPV den Programa di Vacunacion Escolar. Meta di e vacuna aki ta pa proteha mucha muhenan contra cancer na boca di matriz, un malesa serio cu hende muhe na Aruba anualmente ta bira victima di dje. Infeccion cu e ‘human papillomavirus’ (HPV) ta e causante den tur caso cu haya e malesa. E vacuna aki ta safe y ta duna bon proteccion si e mucha muhe haya e vacuna prome cu e bin den contacto cu e virus. Te cu aworaki na Aruba casi 700 mucha muhe a haya e vacuna aki sin ningun caso di un incidente.

Den siman di 26 - 30 di januari 2015 atrobe ta ofrece e vacuna contra HPV na tur mucha muhe di 6e klas di scol basico y mucha muhe te cu 17 aña cu ainda no a haya e vacuna contra HPV. No tin gasto envolvi si nan bin busca nan vacuna den siman di 26 – 30 di januari 2015! En conexion cu e Campaña Vacuna contra HPV por consulta akibou den e tabel ki dia y ora ta suministra e vacuna sea na seccion Cuido Salud Hubenil of na Wit Gele Kruis. Mucha muhenan te cu 17 aña mester bin cu nan mayor of voogd si e mayor/voogd no a yena e papel di permiso ainda.

Tur persona di 18 aña bay ariba por haya e vacuna contra HPV na e suma di AWG. 35,00 pa dosis. Nan por acudi di dialuna pa diabierna entre 8’or am – 12’or merdia of di 2’or – 4’or pm na Dienst Besmettelijke Ziekten (DBZ), Avicenastraat 1 in Oranjestad (caya patras di Landslaboratorium na Playa), telefon 522-4221.Pa mas informacion por yama Departamento di Salud Publico na telefon 522-4200.