Aruba ta raporta 110 caso positivo awe y e di 50 morto di COVID19!

ORANJESTAD – Manera cu minister di salud Dangui Oduber a anticipa diamars mainta, Crisis Team oficialmente a raporta 110 caso positivo nobo awe di COVID19 y alabez a raporta e di 50 morto di COVID19. Di e total di 110,109 ta residente y 1 no-residente.  Cantidad total di testnan ehecuta ayera na e diferente localidadnan entre otro laboratorio di hospital, laboratorionan priva y aeropuerto ta 892 test,  'positivity rate' bou di nos residentenan ayera ta 34%). Y segun resumen di awe 19 persona a recupera. E explosion di casonan ta relata na e comportacion di nos hendenan durante dianan di Pasco. Ainda falta e grupo di hende di celebracion di fin di aña. Segun e mandatario di salud, ta premira cu e proximo dianan e cifra lo por continua den 100 caso pa dia. Si pa diahuebs esaki keda asina, por bisa cu nos a drenta e di 3 ola di COVID19. 

ACTIVO

Activo tin awe 429 caso, cantidad di fayecido relaciona cu Covid-19 a aumenta na 50.

HOSPITAL

Hospital ta informa cu tin un total di 13 persona interna di cual 5 ta den Cuido Intensivo y 8 riba unidad general di covid.