Oduber: Ta spera mas di 100 caso positivo di COVID19 awe pa Aruba

ORANJESTAD – Minister Dangui Oduber ta spera mas di 100 caso positivo awe di COVID19. Asina e mandatario a bisa diamars mainta durante un conferencia di prensa. E mandatario ta bisa cu e no tin e cifra oficial ainda, pero por spera mas di 100, debi na e cantidad grandi di test cu a tuma lugar dialuna, unda cu hasta tabatin hende cu no por a test debi na e demanda grandi. E mandatario a indica tambe cu mirando e situacion aki, por spera mas medida sigur cu lo keda anuncia e siman aki. Den oranan di merdia, Crisis Team lo divulga e cantidad oficial di cantidad diario di casonan positivo.