Atraco arma na Caribbean Cinemas na Palm Beach Plaza

ORANJESTAD - Posiblemente tres persona arma, a atraca Caribbean Cinemas den Palm Plaza Mall diaranson anochi. Esaki a sosode alrededor di 11.30pm, despues cu un cine lo a termina. E personanan envolvi lo tabata bisti na preto (informacion ta bisa cu nan lo tin coverall bisti), cu cara tapa y arma. Durante e incidente, nan lo a los tiro y a mara algun trahado cu tape. Ta ora cu e atraco a 'cuminsa' y un di e trahadonan a bay na e oficina di e gerente di turno, un di e atracadornan lo a los un tiro. Polis a yega mesora na e sitio y a cuminsa investiga e situacion. Mesora tambe a cuminsa un buskeda den e area di Noord pa wak si ta localisa e atracadornan aki. Nan a logra bay cu e benta di dia. Un dia slow cu solamente dos pelicula hungando e momento ey y un total di 7 persona trahando. Foto di archivo ta mustra un bista di e cinemas parti di e 'lobby'.