Wever: Ta compronde reclamo di gremio comercial pero mester a prolonga TdQ

ORANJESTAD - E prome mandatario di Aruba Evelyn Wever Croes ta compronde e reclamo di gremionan comercial riba e prolongacion di e Toque de Queda actual te cu diahuebs awor. "Mi ta compronde perfectamente cu nan ta reclama esey. E no t mi preferencia tampoco, pero na e momentonan aki, no ta oportuno ni responsabel pa para e Toque de Queda cu tabatin" e mandatario a sigui bisa. E prolongacion di e TdQ ta duna autoridad un poco mas espacio pa por mantene orden publico, cu ta loke nos tin mester segun e prome mandatario. 

CAPACIDAD LIMITA DI ICU

E capacidad di Cuido Intensivo di Aruba ta bastante yen, y no necesariamente cu pashent di COVID19, sino di pashent cu otro tipo di necesidad medico. Asina prome minister di Aruba Evelyn Wever a confirma pa noticiacla.com dialuna mainta durante conferencia di prensa. "Esey, parti di nan tin di haber cu accidentenan, hincamento cu ta cosnan cu ta tuma lugar den oranan di anochi" e mandatario a sigui bisa. Esaki ta pone cu cierto momento, segun e mandatario, bo tin cu traha capacidad na bo intensive care.