Deposito di Lucky Store a keda completamente destrui!

ORANJESTAD - Casi 12 ora despues di un candela feroz a gara e deposito di Lucky Store na Eagle, e imagenan di drone di Noticiacla ta mustra con e lugar a keda. Practicamente nada a keda y awe mainta bomberonan tabata haci trabou di 'nablussen' mientras cu un chubato tabata haci e 'limpiesa' necesario, kitando dak y otro material cu ta peligroso pa cay aden. Polis tabatin e area completamente cera pa seguridad mientras cu di leu por mira huma ainda cu ta presente. E prome raportahe di e candela a cuminsa pa 8'or di anochi mas of menos, y pa 10'or e candela tabata for di control practicamente y a laga e lugar completamente na candela. E motibo di e candela ainda no ta conoci, y intento awe mainta pa haya un update di departamento di bombero ainda no tabata posibel.