De Jonge: E variante nobo di COVID19 ta plama entre muchanan

DEN HAAG - E variante Britanico di COVID19 ta wordo plama tambe pa mucha. E mensahe preocupante aki minister di salud Hulandes Hugo de Jonge a bisa diaranson atardi despues di un reunion cu demas miembronan di e gabinete. E gabinete ta evaluando tambe pa laga alumnonan di scolnan basico test pa coronavirus. 

CLASICO

Cerca e version clasico di e virus, e gabinete y e Outbreak Management Team (OMT) a para semper fuerte cu mucha tin un rol minimal den plamamento di e virus. Esey no ta e caso cu e variante nobo aki. "Esaki ta plamando bou di alumnonan di scol basico, y esey bo no ta mira normal y riba su mes esaki ta algo cu ta preocupante . Nos mester inventarisa kico esaki kier men pa demas medidanan" e mandatario Hulandes a sigui bisa.   

SCOL BASICO

E siman aki a bira conoci caba cu un scol basico na Bergschenhoek tabata un centro di brote di e variante nobo di COVID19. E OMT a informa e gabinete diaranson atardi riba e señalnan preocupante di e mutante di e coronavirus Britanico.