Casonan positivo di Aruba pa dia di COVID19 a bay di 18 te 50

ORANJESTAD - Manera anticipa, e cifra di casonan positivo di COVID19 pa un dia na Aruba a subi drasticamente di 19 caso un dia anterior te na 50 diamars. Motibo suficiente pa Gobierno anuncia medidanan mas severo den oranan di mainta. Inicialmente a anuncia cu e cifra a bula bay halto cu 20 caso, te na 39, pero despues esaki a bira mas halto ora cu mas laboratorio a raporta. Finalmente esaki a bira 50, cu 4 no residente cu a test positivo. Loke tambe ta alarmante ta e cifra halto di positivity rate (31%), cu a bolbe subi na e nivel ora cu e di dos wave a yega. A test un total di 810 test local. 

ACTIVO

Esaki ta pone cu e cantidad activo a subi te yega 206 caso, y e cantidad di fayecido relaciona cu Covid-19 ta keda igual, 49.

HOSPITAL

Hospital ta informa cu tin un total di 6 persona interna di cual 2 ta den Cuido Intensivo y 4 isola riba piso general.

MEDIDANAN

Cu aumento di casonan pa dia, awe Crisis Team a anuncia e medidanan cu lo ta na vigor pa e proximo dianan.