Casonan positivo di COVID19 na Aruba awe ta surpasa 40!

ORANJESTAD - Aruba ta raporta un aumento grandi di caso positivo di COVID19 di 19 dialuna pa mas cu 40 awe diamars. Inicialmente a anuncia 39, pero esaki a cambia atrobe y for di fuentenan den DVG ta mustra awor cu e ta mas cu 40. Pues un aumento basta grandi. Awe mainta prome minister Evelyn Wever Croes a confirma esaki durante e conferencia di prensa riba COVID19, unda cu a anuncia un serie di medida 'nobo' necesario. Y un di e motibonan tabata e aumento grandi di caso cu a keda anuncia awe mainta. Y fuentenan fidedigno ta mustra cu tin miedo cu esaki lo sigui aumenta den e proximo 3 simannan aki. Cu mira riba esaki pues, a dicidi di tuma e medidanan asina drastico y impopular, net rond di dianan di fiesta, manera cambio di aña. Loke ta alarmante tambe segun e prome mandatario, ta e hecho cu e positivity rate a subi bay te 30% cu ta mesun nivel ora cu e di 2 wave a cuminsa. Ta premira cu esaki por ta e comienso di e di tres wave aunke esaki no ta confirma ainda.