Gobierno ta re-introduci Toque de Queda entrante diaranson

ORANJESTAD – Manera anticipa, gobierno a re-introduci Toque de Queda entrante 30 di December 2020 pa 11’or di anochi te 5’or di marduga, y despues di tiro, 2am pa 5’or di mainta. Esaki debi na e situacion di COVID19 cu a surgi ultimo dianan. Fuera di e medida ey, a anuncia 3 otro medida mas. 

MEDIDANAN

Entre medidanan tin cierre di tur negoshi pa 10’or di anochi, cu excepcion di hotelnan, y musica y animacion ta solamente den restaurantnan. Ta permiti negoshinan pa tira clapchi dia 31 di December 2020 te 3’or di atardi. E medidanan aki ta vigente te dia 3 di januari 2021. 

KICO A PASA

Gobierno a anuncia cu awe mes tabata riba 30 caso positivo (39), cu no ta aceptabel. E casonan ta average di 20 caso pa dia, cu ta e mesun nivel di ora cu e tabata na october ultimo. Envez di baha, e casonan a cuminsa subi atrobe. Tambe hendenan no ta bezig ta test manera mester. Envez di test asina cu nan desaroya simptoma, ta warda por lo menos 4 pa 5 dia prome cu nan test, cu ta pone cu tur e tempo aki ta plama e virus. Di esnan cu ta test e ora, 80% ta keda contagia y ta den famia. Tambe tin hopi cu a biaha y cu ta bin Aruba bek cu e virus. Recientemente tabatin por lo menos 9 residente cu a bin bek for di exterior cu e virus.