Piloto femenino local a organiza entrega di regalo pa esnan menos afortuna via Slachtoffer Hulp y FCVR

Posted on 12/28/2020 4:54 pm AST | Updated on 12/28/2020 4:58 pm AST

ORANJESTAD - E conocido piloto femenino di Aruba Airlines Marrit Gorter, hunto cu su coleganan di Aruba Airlines y cu coordinashon di empleadonan di AAA NV, American Airlines, United Airlines, Delta Airlines, JetBlue, SouthWest, GenAir and AGS a colecta mas cu 350 regalo pa un Toy Drive cu el a organiza. Tur regalo a wordo parti pa e muchanan cu posiblemente no a ricibi bishita pa Santa Claus e aña ki. Por a laga e regalonan na e.o. Raphaelle Hair Studio y FX Sports unda hopi cliente a mustra nan generosidad door di haci donacion di regalo. 

SONRISA

Manera ta conoci, 2020 tabata y ainda ta un aña dificil, pero hunto, Marrit y e grupo di compania cu el a pone hunto, nan por a logra pone un sonrisa riba cara di hopi mucha. Marrit kier gradici tur hende cu a coopera y ta desea henter comunidad di Aruba un Feliz y prospero 2021!

  • Powered by SETAR