Mas di 300 pasahero di KLM por keda pega na Corsou dialuna

WILLEMSTAD - Tin chens cu dialuna un buelo di KLM di Corsou pa Hulanda lo sali bashi. Asina e portal Curacao Nu ta raporta dialuna. Segun e portal, esaki pasobra segun regla nobo, entrante diamars 29 di December 2020, tur pasahero cu yega Hulanda for di Corsou, mester demostra un test negativo di PCR contra COVID19. E regla no ta conta pa Aruba y Bonaire. Pero, parce cu ningun di e 321 pasaheronan cu tin cu biaha, no por a presenta esaki debi cu den dianan di fiesta, lo no por a test. Esey ta pone cu tin chens cu KLM lo saca su avion bashi, y cu tur pasahero, tin cu regla nan asuntonan nan mes, den sentido cu nan estadia 'extra' ta core pa nan propio gasto. Asina e aerolinea lo a informa e pasaheronan. Si nan no tin un test negativo na man, no bin airport pero haci cambio di biahe riba propio gasto. Potret cortesia Antiliaans Dagblad.