Camara di Comercio cu reaccion riba accion di duaneronan di awe mainta

ORANJESTAD – E accion di duaneronan di awe mainta, a haya reaccion mesora di parti di comercio su representantenan. Entre nan, e presidente nobo di Camara di Comercio, Daphne Aguis Cesareo Lejuez cu a reacciona bisando cu ‘No por paralisa comercio asina’. “ Nos ta un economia cu ta depende di import, y esaki ta un atake director riba nos economia y comunidad”. Mes momento Lejuez ta bisa tambe si cu “Si tin cualkier issue, claro cu mester por trece esaki dilanti. Semper y cuando esaki wordo haci na un manera responsabel”, Lejuez a comenta na NoticiaCla.com awe mainta.

 ACCION DI DUANERONAN

Tabata awe mainta cu un grupo di duanero a pone trabou abou awe mainta pa 2 ora, como protesta pa e.o. condicion di trabou, edificio y mas. Segun e presidente di e sindicato SADA cu ta representa e duaneronan, Sharina Hernandez a mustra cu ta constatando varios problema, y precupacionnan a bira mas grandi cu a dicidi cu no ta tuma mas.