Trahadornan di SABA a protesta dialuna mainta

ORANJESTAD - Un grupo di trahador na e cas di  cuido di anciano SABA na Playa (St Michael Paviljoen) a bay den accion di un ora dialuna, pa protesta contra directiva. Segun e shopsteward di sindicato SEPPA  Rodrigo Tromp, directiva ta dispuesto pa paga bashie premie fin di aña awor, pero e trahadonan mester entrega 6 pa 7 ATV dagen. Y esey e trahadornan no ta di acuerdo. A bisa cu nan ta di acuerdo pa entrega 5% di nan salario, pero no entrega dianan di ATV ni vakantie uitkering. E directiva cu sosten di sindicato ABV (segun sr Tromp) ta bisa cu mester entrega tres premie, pa por haya placa, pero e trahadonan no ta di acuerdo. A bisa cu ta duna directiva te 2 di januari 2021 pa reconsidera, sino lo tin un accion total di trahado. E trahadornan cu a bay den accion awe tabata trahadornan cu tabata liber, mientras cu esnan cu si tabata na trabou, a dorna nan auto cu lemanan di protesta, pa ta solidario cu esnan cu tabata pafo.