Gran Britannia y Union Europeo a haya otro pa e Brexit deal

BRUSELAS - Gran Britannia y Union Europeo a yega na un deal comercial pa e salida di Gran Britannia for di e Union aki, conoci como Brexit. Despues di 9 luna di negociacion, presidente di Union Europeo Ursula von der Leyen a confirma. E ta considera e acuerdo uno husto, balancea, y tambe cu ta respeta tur regla di Union Europeo. E acuerdo ta bin 7 dia prome cu e tempo transitorio vence. E problema mas grandi tabata e leynan di competencia y piscamento. Pero esaki a keda regla. "Gran Britannia y Union Europeo ta keda partner, schouder cu schouder" von der Leyen a sigui bisa.