Polis a tira sospechoso cu kier a ataca nan cu cuchiu

PALM BEACH - Polis diaranson anochi a tira un sospechoso cu kier a ataca nan cu cuchiu. Pa 11.01 pm central di polis a dirigi patruya di Noord pa un cas na Palm Beach caminda un homber lo a hinca su mes den garganta. Na e yegada na e sitio polis a bin encontra cu un persona herida pero pa ora coleganan a bay pa juda dicho persona esaki a atacanan cu un arma blanco den man. No a keda nada otro pa e un di e coleganan los un tiro di advertencia pero mirando cu e persona a sigui ta agresivo y a keda bin den direccion di polis a opta pa los un tiro den direccion di e persona cu consecuencia cu e la wordo herida. E persona a wordo hiba cu ambulans pa hospital. Recherche, BFTO  y slachtofferhulp a presenta na e sitio pa cuminsa e investigacion.