Corte a sentencia La Linda den estado di bancarota !

ORANJESTAD - Dies luna despues cu corte a otorga e establecimento comercial conoci La Linda e surseance van betaling definitivo, corte a dicta awe mainta cu La Linda ta keda den estado di bancarota. Esaki pasobra dos tercer parti di e creditornan no a aproba e plan stipula. Y pa ley di bancarota, esaki ta un necesidad. Ademas segun e 'bewindvoerder', a bisa cu e entradanan genera pa e negoshi, no ta suficiente pa cubri gasto y no tin ningun bista real cu e situacion lo por cambia a termino corto cu por resulta den pago na e creditornan. Como tal a lanta e surseance van betaling, (suspension di pago na creditornan) y a declara e compania den estado di bancarota. Cu e sentencia aki, ta bin un fin na un proceso largo di discusion entre e doñonan (famia) y e trahadornan y pa e negoshi porta mas conoci den Caya Grandi (Caya Libertador Betico Croes) esta La Linda. Como curator, a apunta abogado mr Geert Rep cu tin cu bay wak unda ta saca placa pa paga e creditornan loke nan mester haya. Lesa e sentencia AKI.