Dos caso confirma di variante di COVID19 na Hulanda !

AMSTERDAM - Na Hulanda a confirma dos caso di e variante di COVID19 cu a aparece na Gran Britannia. Asina minister di salud Hulandes Hugo de Jonge a bisa diamars. Ambos caso ta na Amsterdam. Un di e personanan contagia no a bay Gran Britannia mes, pues ta un contagio local. For di fin di siman Hulanda ta ariba bou ora cu a bira conoci cu tin un variante di e virus cu ta mas pisa cu e virus mes y ta pega mas liher. Consecuentemente Gran Britannia a cera su frontera cu practicamente henter Europa y resto di mundo y paisnan Europeo ta cerando nan frontera cu Hulanda tambe ya cu Hulanda tambe tin caso.