Awe ta dicidi si ta prohibi buelo di Inglatera di baha na Aruba diaranson

ORANJESTAD - Reunionnan entre Hulanda y Aruba tabata andando dialuna mainta pa determina con miho atende cu e asunto di e variante nobo di COVID19. Asina prome minister di Aruba Evelyn Wever Croes a bisa e portal aki dialuna mainta. Entre e preguntanan, kico ta e efecto di e variante, si ta berdad cu e ta uno cu ta contagia mas hopi, si efecto ta mas severo, si e ta afecta e uso di vacuna etc. "Awe tardi lo tin un miho beeldvorming, y a base di esey lo tuma decision kico Aruba ta bay haci. E ora un decision ta wordo tuma si ta stop e buelo directo di Inglatera" e mandatario a sigui bisa.