Medidanan contra COVID19 na Corsou prolonga te otro aña

WILLEMSTAD - Tur medida na vigor actualmente relaciona cu COVID19 na Corsou ta keda na vigor te cu 11 di januari 2021. Asina prome minister di e isla Eugene Rhuggenaath a bisa dialuna merdia durante un conferencia di prensa. Aunke cu cifranan ta bahando, no ta haya prudente pa suavisa e medidanan. Esaki kier men cu Toque de Queda, horario special y mas, ta keda na vigor hasta durante Pasco y Aña nobo. 

E MEDIDANAN

Pa loke ta e medidanan, nan ta sigui despues di a keda anuncia dia 15 di november ultiom.  Toque de Queda anuncia pa 9’or di anochi, cu ta nifica cu pa 8’or di anochi, tur establecimento na Corsou mester cera, cu excepcion di lugarnan crucial. Tambe e cantidad maximo di persona cu por ta den un establecimento ta di 50% y no mas cu 50 persona hunto. Tambe tapaboca (mondkapje) ta bira obligatorio pa tur persona riba 18 aña na e siguiente instancianan: Supermercado, Toko, Minimarket, Pakus, Panaderia, Botica, Hospital y clinicanan, Tienda di buki, hardware Stores, Transporte publico, barbero y kapsalon y agencia funeraria. Tapaboca den tur otro establecimento ta altamente recomendable tambe. Lo hiba un combersacion cu varios dunado di trabou relaciona cu esaki. No tin samenscholing di hende mas di 4 hende. Esaki ta conta tambe pa beach. Ta tumando evaluacion riba e parti di enseñansa.