CFT lo presenta rapport riba presupuesto otro siman caba

DEN HAAG/ORANJESTAD – Mas probable dialuna awor, tin un claridad riba e situacion di presupuesto di Aruba. Esaki ta contrario na informacionnan for di gobierno, cu diahuebs mainta lo tabatin un contesta pa Aruba. NoticiaCla tin e informacion cu oficialmente ‘dentro di algun dia, College Financieel Toezicht lo presenta su resultado inicial di e investigacion riba presupuesto di Aruba’. “E quickscan ta wordo spera dentro di algun dia” premier hulandes Mark Rutte a laga sa diahuebs mainta. “Mas informacion lo no tin e momentonan aki y no ta prudente tampoco”.

Mientras cu inicialmente a palabra un periodo di 3 pa 6 siman di tempo pa keda cla cu e rapport, y mirando e situacion cu tin aworaki na Aruba, a pidi gobernador pa acelera e proceso y presenta un quickscan awor. NoticiaCla su fuentenan ta indica cu esaki lo ta dialuna awor mas probable. NoticiaCla tin informacion tambe cu mientras cu berdad instancianan gubernamental ta strobando e trabou di e secretariado di CFT, nan por traha ‘rond di esaki’ y haya informacion toch cu nan mester pa por duna un presentacion na gobierno di Reino otro siman.