Lider di partido PPA Benny Nisbet a bay sosega

ORANJESTAD - Lider di partido politico PPA Benny Nisbet a perde su bataya cu cancer diasabra den hospital na edad di 67 aña. Awe mainta ainda e portal aki a raporta cu e tabata bringando pa su bida. Noticiacla ta manda palabra di condolencia na su señora Natalia Suzanna, miho conoci como Sita. 

BENNY 

Benny tabata yiu di Peter (Jos) Nisbet di St Maarten y Hilda Spring cu na 1937 a bin biba na Aruba. Na 1987 el a casa cu Natalia Suzanna Brete. Segun e señora, sr Nisbet tabata gusta bay beach, y tabata practica e deporte di kayak, bilart y tennis. 

CARERA

E tabata ambtenaar de cu 1976 di corte. Cu su 25 aña e la  bira miembro di eilandsraad. Cu su 28 aña el a bira miembro di Staten pa PPA. Esaki tabata prome cu status aparte (1982-1985). Na 1986 el  bira minister di Transporte y comunicacion y a keda na e funcion pa un aña. For di 1983, e la lidera e partido PPA. Tabata na 2005 cu el a celebra 30 aña den politica. E la keda condecora como Ridder in de Orde van de Nederlandse Leeuw (1990) y Commandeur in de Orde van Oranje-Nassau (1995). Na 2005 e no a logra haya suficiente voto pa keda den Parlamento di Aruba. na 2017 el a participa na su ultimo eleccion uniendo cu partido UPP, pero no a logra saca suficiente asiento. Noticiacla ta manda palabra di profundo condolencia na famia di e fayecido. Cu Benny Nisbet sosega na paz.