Hulanda cu record di riba 12 mil caso positivo di COVID19 awe

AMSTERDAM - Rijksinstituut voor Volksgezondheid en Milieu (RIVM) a bolbe raporta un record cantidad di casonan positivo pa COVID19 diahuebs pa Hulanda. Ta trata di 12.844 caso positivo den e ultimo 24 ora. E cifra tin di haber tambe cu e coreccion di cantidad di algun dia ya cu tabatin problema tecnico den raporta e cantidad den e registro di GGD (ekivalente di DVG). Entre diamars y diaranson mainta a raporta 11.202 caso. Diamars a raporta mucho menos caso cu ta 67000 casi. Prome cu esey tabatin entre 8 pa 9000 caso pa dia.  Den e ultimo 7 dianan tabatin 67 mil test positivo raporta. Un siman prome esaki tabata 48 mil. E cantidad di morto a aumenta di diaranson pa diahuebs cu 77 caso. Esey no kier men cu e personanan en realidad a fayece den e ultimo 24 ora pasobra tin informacion cu ta keda raporta mas laat. Den e region di Rotterdam-Rijnmond a raporta e cantidad mayor di test positivo (992), sigui pa Haagland (867). Den Midden y West Brabant a registra 804 test positivo. E cantidad di casonan di hospitalisacion tambe a aumenta. Aworaki tin 2003 pashent cu tin e virus cu ta den hospital, cu ta 39 mas cu un dia prome. Den ICU tin 546 hende cu COVID19 cu ta 10 mas cu 24 ora prome. Potret cortesia ANP.