Hulanda y Venezuela negociando pa reapertura frontera islanan ABC

CARACAS - Negociacionnan ta andando entre Venezuela y Hulanda pa reapertura di frontera pa islanan ABC. Informacion cu e portal aki ta dispone di dje, via canalnan oficial, ta bisa cu Viceministro pa  Europa, Yván Gil, a reuni cu e encargado comercial di Hulanda na Venezuela, Robert Shudddeboom diamars caba cu e obhetivo pa avansa cu e negosacionan pa reactiva e relacionnan comercial. "Ta un proceso cu nos a bin ta desaroya paulatinamente y awe nos a acorda e forma cu ta permiti nos establece e mecanismo pa inicia un proceso di normalizacion referente e fluho comercial y di persona pa cu islanan ABC" sr Gil a termina bisando.

ARUBA 

For di Aruba ainda no tin ningun informacion riba e tema, sino cu algun dia pasa prome minister Evelyn Wever Croes a confirma pa e portal aki cu gobierno di Aruba a prolonga e ciere di frontera cu Venezuela pa 3 luna mas. Esey a sosode dia 10 di December ultimo. Pa loke ta visa, fuentenan fidedigno di e portal aki a confirma cu Hulanda ya a entrega documentacion necesario pa implementa e proceso di visa pa Venezolano, entrante 15 di januari 2020.  Esaki ta nifica cu si esey sigui, entrante 15 di januari otro aña, tur Venezolano cu kier bin Aruba (unabez frontera habri), lo tin cu haya un visa pa bishita nos isla.