Na Corsou Elsa Rozendal a entrega su retiro y asiento bek na partido MAN

WILLEMSTAD-  Parlamentario Elsa Rozendal a entrega su retiro di partido MAN diaranson mainta. Asina e mes ta confirma den un carta publico cu el a post riba su pagina di Facebook diaranson atardi. Rumornan ta circula cu e lo continua cu e partido cu su defunto tata Boy a lidera den pasado. Pero intento pa confirma esaki cu sra Rozendal no tabata exitoso ainda. E parlamentario, pronto ex, lo no bay cu e asiento y lo debolbe esaki na e partido blauw. 

MOTIBO

" Awe mi ke informá boso cu mi a tuma e desishon pa no sigui cu MAN y cuminsaexplora otro alternativanan pa sigui sirbi nos comunidad" sra Rozendal ta bisa.  Awe mainta den un karta pa direktiva di MAN, el a informa partido di su desicion. Tambe el a pone e asiento cu aktualmente e ta ocupando den Parlamento na disposicion di partido. "Asina MAN por sigui sostene e coalicion actual".  Durante dianan di fiesta e lo refleha y wak con e ta bay sigui contribui pa saca e comunidad di Corsou for di e situacion dificil.