Hulanda ta drenta un lockdown pisa for di diamars

DEN HAAG - Hulanda ta drenta un posibel lockdown pisa e siman aki. Prome minister Mark Rutte awe nochi ora di Hulanda lo anuncia esaki mas sigur. Asina prensa Hulandes ta raporta dialuna. E motibo? E aumento drastico di casonan di COVID19 na e pais aki. Por spera medidanan pisa manera maart, manera un lockdown unda cu Hulanda ta cera porta pa practicamente tur cos. Scolnan, tiendanan no esencial, museo y theater. Y esaki lo por dura te despues di 19 di januari 2021. Asina fuentenan na Den Haag ta raporta. E medidanan ta drenta na vigor diamars mei anochi caba pa evita un core core pa tiendanan. Tin un excepcion pa trabou medico di contacto manera fisioterapistanan. 

Scolnan, tanto basco como avansa mester cera nan porta entrante diaranson y cuminsa duna les riba forma digital. Pa mayornan cu tin trabou vital, scolnan basico y creche por keda habri. Horeca ta afecta caba for di 14 di October. Pero mag busca cuminda ainda y hotelnan por keda habri pero no por sirbi cuminda ni bebida. Misa nan tambe por keda habri. 

PAKICO AWOR

E medidanan ta debi cu e cifranan di contagio envez di baha bou di 3.600 pa dia, a subi riba 10 mil. Gabinete Rutte a reuni diadomingo y a dicidi cu mester haci algo mas urgente.