Colegio Arubano cera pa motibo di contagio di COVID19

ORANJESTAD - Colegio Arubano awe a lanta cera pa motibo di contagio di COVID19. Den un carta diadomingo pa mayornan, nan ta informa cu prome, diabierna un di e klasnan a bay den cuarentena obligatorio debi cu tabatin 3 caso positivo di COVID19. Diadomingo merdia a resulta cu dos docente tambe a test positivo. 'Pa exclui cualkier riesgo, den consulta cu DVG a dicidi cu ta cera e scol dialuna fisicamente pa por haci un limpieza riguroso y pa desinfecta' E lesnan ta sigui den forma virtual. E anochi di mayor planea pa awe nochi, ta continua normal.