E Spirito Arubiano Shariska Winterdal a inicia su 'Double Iron Woman' Event!

MALMOK - Awe tardi manera programa, den careda di 3'or na Arashi, e 'Spirito Arubiano' manera e ta wordo yama pa e hazaña aki, Shariska Winterdal a drenta laman pa inicia su 'Double Ironwoman' event cubriendo 396-kilometer den 3 dia, cu lo dura te cu diadomingo. Durante e proximo dianan, Shariska lo tin cu completa un circuito di landamento (8km), core bicicleta (380km) y core un trayecto riba Aruba (84 km) pa completa su meta. E ta premira cu den careda di diadomingo mainta entre 6'or pa 7'or esaki lo keda cla. 

E TEMPO

Pa loke ta e detayenan, y pa esnan cu kier sigui Shariska, tene cuenta cu segun planificacion, e landamento lo caba den careda di 7or di diabierna anochi. Mester menciona cu e ta wordo guia pa Wendy Kock cu ta un di e 5 landadonan cu a landa di Venezuela pa Aruba aña pasa. Wendy lo a 'set e pace' pa Shariska pa loke ta  e parti di landamento, cu sigur ta un bon cos cu Shariska tin na su fabor. Di eynan, e ta premira cu rond di 8'or di anochi e ta inicia e trayecto di bicicleta, cu e ta premira cu lo caba 2pm diasabra atardi. Despues e ta tuma un break atrobe y pa 5'or di diasabra atardi, e ta inicia su parti mas dificil cu ta di coremento di 28km cu ta pone cu e lo termina den careda di 6'or pa 7'or di diadomingo mainta. Potretnan cortesia di 287 Sports.