Na Singapore, a detene tripulante di KLM pa a viola regla local di COVID19

SINGAPORE - Un personal di cabina di KLM a keda deteni na Singapore. E motibo ta cu e no a keda den su camber di hotel. Paisnan manera Singapore tin reglanan hopi estricto pa cu COVID19, specialmente pa tripulantenan di aerolinanan internacional. Fuera di Singapore, den paisnan manera Thailand y China, e tripulantenan meter keda den nan camber pa e periodo completo cu nan ta na e pais. Esta for di momento cu nan yega, te ora cu nan bandona e pais. Den e caso di e tripulante di KLM, e no a ni bandona e hotel, sino solamente su camber. E la bandona su camber y bay den lobby pa un motibo desconoci. Y no ta conoci si e tripulante tabata na altura cu lobby tabata 'prohibi'. 

 KLM a confirma e incidente pero no a duna mas comentario. " Dia 14 di november un miembro di tripulante di KLM a viola reglanan local di COVID19 pa a bandona su camber temporalmente sin permiso. Nos no ta duna ningun otro comentario" e mensahe di KLM tabata. E tripulante ta deteni pendiente cargonan contra dje.