Crisis Team: Situacion na e pais latino a rekeri pa tene Peru cera pa Aruba ainda

ORANJESTAD - E situacion actual segun Crisis Team di Aruba, na Peru ta di tal indole cu no por permiti hende biaha di eynan pa ARuba. Asina e miembro di e team, Sharline Koolman a bisa noticiacla diahuebs durante e briefing ultimo riba COVID19. Esaki pasobra tabatin hopi keho pakico a tene Peru cera pa Aruba siendo cu paisnan manera Brazil cu tin mucho mas caso, si ta keda habri. 

CRITERIA

Segun sra Koolman, na momento cu Crisis Team di Aruba a bin cu conseho pa tene Peru cera pa biahe pa Aruba, tabata siman pasa basa riba e cantidad di casonan cu tabatin e momento ey y tambe e medidanan cu tabatin pa cu e situacion na e pais. Aki tin varios cos, manera e positivity rate, e RT, e fatality rate y bo ta wak ki medida e pais ta tuma. Y full e contexto aki ta bira e conseho pa e pais aki. 

BRAZIL

Berdad cu Brazil tabata un mercado cu a splica cu ATA dos siman pasa a papia ariba pa tene cera tambe pero e cantidad di persona cu ta bin di e mercado ey, no ta hopi. Nan ta solamente esnan cu por pague. Y e grupo ey no ta grandi. Pues ATA no tabata spera hopi di e pais ey. Y conscuentemente e risico for di e pais ey ta menos. Crisis team a dicidi e ora cu ta pone solamente Venezuela y Peru como paisnan cu ta keda cera. Lo evalua aki un siman atrobe pa wak kico ta pasa cu Peru. Potret cortesia di Rvo.nl