Corsou ta experencia di dos blackout den un siman awe

WILLEMSTAD – Diahuebs atardi algo prome cu 4’or di atardi, un biaha mas Corsou a conoce un blackout total, confirma pa e compania responsabel pa coriente esta Aqualectra Utility. Problema ta cu e compania no ta na altura ainda kico e origen di e blackout aki ta. “Tecniconan di Aqualectra ta trahando duro pa constata e origen y pa restablece e red di coriente” e compania a bisa riba nan pagina di Facebook. Dialuna mainta Corsou a habri su siman cu un blackout caba cu a dura varios ora. Keda pendiente pa actualisacion di e situacion.