CFT: Medidanan presenta den presupuesto 2015 no ta suficiente

WILLEMSTAD –Medidanan cu gobierno a incorpora den concepto di presupuesto 2015, no ta suficiente segun College Financieel Toezicht. Esaki e representante di CFT, Kees van Nieuwamerongen ta bisa den su comentario inicial riba e presupuesto, manera presenta na minister di Finanza di Aruba Angel Bermudez, na december di aña pasa. “Pa por logra un surplus structural, meter tuma desisionnan serio” CFT ta sugeri na e mandatario. Den e rapport di 12 pagina, e ta haci 4 recomendacion crucial cu, -si aplica esakinan-, por resulta den un eventual presupuesto balansa y cu CFT por aproba. CFT ta mustra cu a señala caba cu e structura di e gastonan di gobierno a conforma cu sin consideracion politico, e gastonan lo conoce un crecemento autonomo fuerte. “Si no atende cu e crecemento autonomo, e gabinete lo wordo confronta tur aña cu aumento di gastonan, cu ta un peso riba e deficit, y e debe como consecuencia”, CFT ta bisa.

RECOMENDACIONAN DI CFT

E prome recomendacion di CFT pa cu e concepto di presupuesto 2015, ta cu “CFT ta conseha pa para e aumento structural di gasto door di para diferente forma (automatico) di indexering. Como recomendacion number 2, CFT kier pa mesora tuma algun medida limita simpel cu por wordo implementa, manera un impuesto di solidaridad temporal, cu riba termino cortico por reduci e problematico. Como recomendacion # 3 , CFT kier pa gobierno bin cu un plan di pasonan elabora, con tin pensa di implementa e medidanan manera sugeri den e recomendacion #2. Mester raporta cada cuartal e ora riba e implementacion di e presupuesto, y e progreso di e medidanan, y presenta e cambionan den e presupuesto na parlamento den un periodo oportuno. Fortifica e ‘ownership’ door di implementa un stuurgroep ministerial, presidi pa prome minister. Recomendacion # 4 di CFT ta mustra cu pa por ordena e maneho financiero, e sistema administrativo, e diseño di e ‘meerjarencijfers’ y e implementacion di e infrastructura financiero, inclusive e parti huridico (comptabiliteitsvoorschriften) tin prioridad. (Lesa e rapport completo aki)