OVV: Birada fatal a causa caida di helicopter militar Hulanda na Aruba

AMSTERDAM – E causa di e crash di helicopter militar Hulandes na juli ultimo dilanti Aruba, tabata debi na un problema di maniobra. Asina e Onderzoeksraad voor Veiligheid (OVV)ta bisa a base di un investigacion preliminar. Dos militar Hulandes a muri a consencia di e crash aki.  

Parce cu e helicopter a haya problema durante cu e tabata bira (den un bocht). Debi na esaki e helicopter a bin riba e velocidad igual cu biendo. Consecuencia ta cu dado momento e helicopter tabata como si fuera ‘para’ den laira. Y esaki ta pone cu mester di mas poder pa mantene e helicopter den laira, sino e ta cay. Lamentablemente esaki no tabata posibel pa cual e helicopter a cay tambe. E piloto a pone mas forza den e motor, pere debi cu e helicopter tabata na un haltura abou, tabata dificil pa coregi e maniobra. E helicopter pues a perde haltura hopi lihe y den algun seconde a cay. E dos tripulantenan Christine Martens (34) y Erwin Warnies (33) no a logra sali di e helicopter y asina a bin perde nan bida hoga, mientras cu dos otro tripulante si a logra sali na tempo. For di e investigacion a  resulta cu e tripulante di e bapor militar a haci hopi esfuerzo pa purba rescata nan coleganan. Pero ola halto a dificulta e operacion basta hopi. 

ENTRENA

Ta mas bien un combinacion di factor a causa e caida. E helicopter tabata entrenando lanta buelo y aterisa, rond di e bapor. Ta ora cu a bira e helicopter rond di e bapor, e problema a surgi y e helicopter a cay.